Կառավարությունը հավանություն տվեց ռազմական և արտակարգ դրություններ հայտարարելու մասին օրենսդրական կարգավորումներին

15-06-2017 15:49

Կառավարությունը հավանություն տվեց ««Ռազմական դրության իրավական ռեժիմի մասին» ՀՀ օրենքում փոփոխություններ և լրացումներ կատարելու մասին» և ««Արտակարգ դրության իրավական ռեժիմի մասին» ՀՀ օրենքում փոփոխություններ կատարելու մասին» ՀՀ օրենքի նախագծերին: Ըստ այդմ, ռազմական դրություն և արտակարգ դրություն հայտարարելու լիազորությունը վերապահվելու է ՀՀ կառավարությանը: «Արմենպրես»-ի հաղորդմամբ՝ գործող օրենքներով այդ գործընթացների հիմք էր սահմանում ՀՀ Նախագահի հրամանագիրը և գործընթացի առաջնային ապահովման ուղղությամբ՝ ՀՀ Նախագահի իրավասությունները: 2015 թ. դեկտեմբերի 6-ին ընդունված ՀՀ սահմանադրության փոփոխությունների համաձայն՝ նշված իրավասությունների ողջ շրջանակը վերապահվել է ՀՀ կառավարությանը, որի արդյունքում օրենքում վերանայումներ կատարելու անհրաժեշտություն է առաջացել: Օրենսդրական նախաձեռնությունները սահմանված կարգով կներկայացվեն ՀՀ Ազգային ժողով:

Lragir.am
15-06-2017 15:49