ՊԵԿ-ը հիշեցնում է Շիրակի մարզում կառուցվող ԱՏԳ սպասարկման կենտրոնում համապատասխան մասնագետների պատրաստման համար նախապատրաստական դասընթացի վերաբերյալ

14-08-2019 15:34

Փաստաթղթերի ընդունման վերջնաժամկետն օգոստոսի 15-ն է ՀՀ պետական եկամուտների կոմիտեն անհրաժեշտ է համարում ևս մեկ անգամ հիշեցնել, որ Շիրակի մարզում կառուցվող ԱՏԳ սպասարկման կենտրոնում ավտոտրանսպորտային միջոցների մաքսային ձևակերպումների հետ կապված որոշ գործառնություններ իրականացնող մասնագետների պատրաստման համար ՊԵԿ Ուսումնական կենտրոնը օգոստոսի 20-ից կազմակերպում է անվճար նախապատրաստական դասընթաց:   Մասնակցել ցանկացողներն Ուսումնական կենտրոնի էլեկտրոնային փոստին ([email protected]) անհրաժեշտ փաստաթղթերը (ինքնակենսագրական (CV), անձնագրի լուսապատճեն (scan) և դիպլոմի լուսապատճեն (scan) ) կարող են ուղակել մինչև ս/թ օգոստոսի 15-ը: Դասընթացին կարող են մասնակցել բարձրագույն կրթություն ունեցող, ինչպես նաև անգլերեն և ռուսերեն լեզուների բավարար իմացություն ունեցող ՀՀ քաղաքացիները:  Այն ներառում է ընդհանուր գիտելիքներ մաքսային գործի վերաբերյալ, ինչպես նաև գործնական մաս՝ մաքսային կետ-բաժնում: Դասընթացը տեղի կունենա Գյումրի քաղաքում՝ Հովսեփյան 1 հասցեում: Լրացուցիչ տեղեկատվության համար կարող եք զանգահարել՝ 011 801 071 կամ 060 544 988: ՀՀ ՊԵԿ տեղեկատվության և հասարակայնության հետ կապերի բաժին

Lragir.am,
14-08-2019 15:34