Բեյրութում կորոնավիրուսից մահացել է 25-ամյա հայ երիտասարդ

26-03-2020 08:53

Պէյրութի մէջ իր մահկանացուն կնքած է լիբանանահայ երիտասարդ Պետիկ Օղկասեանը: Այս մասին «Արեւելք» տեղեկութիւն ստացաւ հանգուցեալի ընկերներէն: Կը նշուի, որ հանգուցեալը 2 օր առաջ անհանգստացած եւ փոխադրուած է«Ռաֆիք Հարիրի»ի անուան հիւանդանոց, ուր այսօր կնքած է իր մահկանացուն: Լիբանանեան MTV Lebanon կայանը, Պետիկի մահուան լուրէն ժամ մը անց կատարած է կարճ լրատւութիւն մը, նշելով, որ Պետիկ Օղկասեան վարակուած էր «Քորոնա» վարակով, որուն հետեւանքով ալ մահացած է: Կայանը նաեւ կը հաղորդէ, որ Օղկասեան կը տառապէր այլ անհանգստութիւններէ: Կայանին  հաղորդումով Պետիկ Օղկասեանի  մահով Լիբանանի մէջ «Քորոնա» ժահրին հետեւանքով մահացածներուն թիւը կը բարձրանայ 6-ի: Յիշեցնենք, որ հանգուցեալը հայր էր 2 զաւակներու:

Lragir.am,
26-03-2020 08:53