#Հայթեք զրույցներ. Երվանդ Զորյան «Կամուրջ Սիլիկոնյան հովտից»

07-04-2020 13:32

#HighTech Talks – #Հայթեք զրույցներշարքի հաջորդ հյուրն է #ՀԲԸՄ կենտրոնական վարչության անդամ, ՀԲԸՄ Հայկական վիրտուալ համալսարանի հիմնադիր, #Սինոփսիս Հայաստանի նախագահ Երվանդ Զորյանը, ով զրույց կվարի «Կամուրջ Սիլիկոնյան հովտից» թեմայի շուրջ: Այս մասին հայտնեցին ՀՀ բարձր տեխնոլոգիական արդյունաբերության նախարարությունից: ՀՀ բարձր տեխնոլոգիական արդյունաբերության նախարարությունը մարտի 31-ից մեկնարկել է առցանց #HighTech Talks շարքը՝ #ՏՏ աշխարհինծանոթացնելու, արդիական հարցեր բարձրաձայնելու և հանրությանը իրազեկելու նպատակով: Նախագիծը հյուրընկալում է հաջողված գործարարների և ՏՏ ոլորտի հեղինակավոր ներկայացուցիչների, ովքեր վարում են զրույցներ՝ ներկայացնելով բարձր տեխնոլոգիաների ոլորտն իր ողջ հմայքով և կարծրատիպերով: Ինչպես ողջ աշխարհում, այնպես էլ Հայաստանում նոր #Կորոնավիրուսի (#COVID19) տարածման հետևանքով հազարավոր մարդիկ նոր մասնագիտացում ստանալու կարիք ունեն և հնարավորություն ունեն մուտք գործելու ՏՏ ոլորտ, ձեռք բերելու նոր հմտություններ ու գիտելիքներ, և ամենակարևորը՝ մասնագիտություն: #HighTechTalks-ը նպաստելու է տեխնոլոգիաների մասին առավել խորը պատկերացումների ձևավորմանը հանրության առավել լայն շրջանակների համար: Նախագծի առաջին հյուրն էր #PicsArt ընկերության հիմնադիր և գլխավոր գործադիր տնօրեն Հովհաննես Ավոյանը, ով անցկացրեց «ՏՏ աշխարհը» թեմայով զրույցը: Զրույցներն ուղիղ հեռարձակմամբ հնարավոր է դիտել՝ հետևելով ՀՀ ԲՏԱ նախարար Հակոբ Արշակյանի/ Hakob Arshakyan և ՀՀ ԲՏԱ նախարարության ֆեյսբուքյան էջերին՝ https://www.facebook.com/hakobarshakyanpage/, https://www.facebook.com/Hti.Armenia, իսկ ավարտից հետո տեսանյութերը տեղադրվում են նախարարության youtube-յան ալիքում՝ https://www.youtube.com/channel/UC8cP-gVqC9z4rjJeAqyBjrQ: #HighTech Talks-ի (#Հայթեք զրույցներ) հետագա առցանց հաղորդումների շրջանակներում ևս թեմատիկ ելույթներով հանդես են գալու ոլորտի՝ հաջողություններ գրանցած մի շարք փորձառու ներկայացուցիչներ: Նրանք խոսելու են տեղեկատվական և հաղորդակցության տեխնոլոգիաների դրական և բացասական կողմերից, մեր կյանքում տեխնոլոգիաների դերից և թե ինչպես են դրանք վերափոխում մեր կյանքը, թե ինչ ազդեցություն են ունենում մարդկանց բարեկեցության և անվտանգության վրա, կվերլուծեն բարձր տեխնոլոգիական նորարարությունները, էկոհամակարգի զարգացման ու ստարտափների խնդիրներն ու հնարավորությունները: Բանախոսները խոսելու են աշխարհում ստեղծված իրավիճակի մասին և գնահատելու իրավիճակը ՏՏ ոլորտի տեսանկյունից, բարձրաձայնելու են ոլորտի գլոբալ բարեփոխումների և տրանսֆորմացիոն միտումների, հեռահար աշխատանքի հնարավորությունների մասին: Հաղորդաշարի յուրաքանչյուր բանախոսի վերաբերյալ նախապես տեղեկատվություն է տեղադրվելու նախարարության ֆեյսբուքյան էջում:

Lragir.am,
07-04-2020 13:32