Թրամփը 30 օր ժամանակ է տվել Առողջապահության համաշխարհային կազմակերպությանը

19-05-2020 10:18

ԱՄՆ նախագահ Դոնալդ Թրամփը նամակ է ուղարկել Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսին՝ զգուշացնելով, որ 30 օրվա ընթացքում կառույցը պետք է պարտավորություններ ստանձնի իրավիճակի էական բարելավման համար: Թրամփը նշել է, որ պահանջը չկատարելու համար ԱՄՆ-ն ԱՀԿ համար նախատեսված միջոցների սառեցումը ժամանակավորից կդարձնի մշտական ու կվերանայի ԱՄՆ անդամակցությունն այդ կառույցին: Թրամփն իր նամակում մեղադրել է, որ ԱՀԿ-ն անտեսել է կորոնավիրուսի տարբեր նշանների մասին նախազգուշացումները և քննադատել կառույցի դիրքորոշումը Չինաստանի նկատմամբ: Թրամփի խոսքով, վստահությունը վերականգնելու համար ԱՀԿ-ն պետք է ապացուցի, որ անկախ է Չինաստանից:

Lragir.am,
19-05-2020 10:18