Սեւանա լճի մակարդակը նախորդ տարվա մարտի սկզբի համեմատ բարձր է 11 սանտիմետրով

02-03-2021 15:54

Սեւանա լճի մակարդակը 2021 թվականի մարտի 1-ի դրությամբ ծովի մակերեւույթից գտնվել է 1900 մետր 55 սանտիմետր բարձրության վրա: Ինչպես տեղեկացրին ՀՀ ԱԻՆ «Հայհիդրոմետ» ծառայությունից, այն 11 սանտիմետրով բարձր է մնում նախորդ տարվա նույն օրվա նիշից: 2021 թվականի հունվարի 9-ից մինչեւ մարտի 1-ն ընկած ժամանակահատվածում Արփա-Սեւան թունելային ջրատարով Սեւանա լիճ է տեղափոխվել 26 միլիոն 342 հազար խորանարդ մետր ջուր: Սեւանա լիճ թափվող գետերը գտնվում են ձմեռային սակավաջուր փուլում:

Lragir.am,
02-03-2021 15:54