Ջազ նվագախումբը հանդես կգա Ստեփան Շաքարյանի հիշատակին նվիրված համերգով

16-10-2021 23:53

Հոկտեմբերի 21-ին, ժամը 19:30-ին, Ճարտարապետների միության շենքում կանցկացվի  Հայաստանի պետական ջազ նվագախմբի հատուկ համերգը՝ նվիրված կոմպոզիտոր և դաշնակահար Ստեփան Շաքարյանի հիշատակին: Ստեփան Շաքարյանը 90-ամյա հայկական ջազի ավագ սերնդի ամենավառ ներկայացուցիչներից մեկն էր: Երեկոյի ընթացքում կհնչեն կոմպոզիտորի ջազային ստեղծագործությունները և մշակումները: «Ստեփան Շաքարյանը անկրկնելի, ինքնատիպ, ստաղծագործող հայ է, նվիրյալ մասնագետ, հայրենասեր: Եվ մենք ևս մեկ անգամ պետք է վերագնահատենք Շաքարյան ստեղծագործողի ավանդը»,- նշում է ջազ նվագախմբի ղեկավար Արմեն Հյուսնունցը:

Lragir.am,
16-10-2021 23:53