Ազգային ժողովում կստեղծվի Հայաստան-Չեռնոգորիա բարեկամական խումբ

06-12-2021 16:08

Ազգային ժողովի արտաքին հարաբերությունների մշտական հանձնաժողովը կողմ քվեարկեց Հայաստան-Չեռնոգորիա բարեկամական խմբի ստեղծման մասին նախագծին: Ինչպես տեղեկացնում է «Արմենպրես»-ը, հանձնաժողովի նախագահ Էդուարդ Աղաջանյանը նշեց, որ այս տարվա ամռանը Չեռնոգորիայի խորհրդարանի արտաքին հարաբերությունների և միգրացիայի մշտական հանձնաժողովի նախագահը Չեռնոգորիայում ՀՀ դեսպան Աշոտ Հովակիմյանին նամակով տեղեկացրել է իրենց խորհրդարանում Հայաստանի հետ բարեկամական խմբի ձևավորման մասին: «Հաշվի առնելով, որ բարեկամական խմբերի գործունեությունը խորհրդարանների միջև համագործակցության լավ խթան է, և ՀՀ արտաքին գործերի նախարարությունը նույնպես նպատակահարմար է գտնում Ազգային ժողովում Հայաստան-Չեռնոգորիա բարեկամական խմբի ձևավորումը, ուստի առաջարկում եմ կողմ քվեարկել որոշման նախագծին»,- ասաց Աղաջանյանը:

Lragir.am,
06-12-2021 16:08