ՀՌՀ-ն համագործակցության հուշագիր է ստորագրել աշխարհի լավագույն բուհերից մեկի հետ 

19-01-2022 16:52

Հայ-Ռուսական համալսարանի ռեկտոր, պրոֆեսոր Արմեն Դարբինյանը և Թել Ավիվի համալսարանի ռեկտոր, պրոֆեսոր Մարկ Շտաիֆը ստորագրել են համագործակցության հուշագիր:  Հուշագրի համաձայն` ՀՌՀ-ն և Թել Ավիվի համալսարանը համագործակցելու են մի շարք ուղղություններով, որոնցից են կրթաթոշակային համատեղ ծրագրերի իրականացումը, ուսանողների և դասախոսների փոխանակման ծրագրերի իրագործումը, մշակութային և գեղարվեստական միջոցառումների ոլորտում փոխանակման հնարավորությունը, համատեղ հետազոտությունների իրականացումը և համատեղ ակադեմիական միջոցառումների անցկացումը:  Նշենք, որ Թել Ավիվի համալսարանն աշխարհի մակարդակով մեծ ընկերություններ հիմնած/կառավարող գործարարներ/կառավարիչներ տվող աշխարհի հինգ լավագույն բուհերից մեկն է:  Հիշեցնենք նաև, որ 2017թ. սեպտեմբերի 14-ին Հայ-Ռուսական համալսարանը և Թել Ավիվի համալսարանի ներքո գործող Բորիս Մինցի ինստիտուտը համատեղ կազմակերպել էին «Փոքր անցումային տնտեսություններ. տեղային պատասխաններ համընդհանուր մարտահրավերներին» թեմայով նստաշրջանը:  ՀՌՀ մամուլի ծառայություն 

Lragir.am,
19-01-2022 16:52